Home WARARKA MAANTA Itoobiya oo Markii ugu Horreeyay ka Hadashay Kulankii Dhex-Maray Madaxweyne Muuse Iyo...

Itoobiya oo Markii ugu Horreeyay ka Hadashay Kulankii Dhex-Maray Madaxweyne Muuse Iyo Farmaajo

0
167

-Dowladda Itoobiya ayaa markii ugu horreeyay ka hadashay kulankii dhawaan dhex-maray Madaxweynaha Somaliland , Muuse Biixi Cabdi iyo Madaxweynaha Soomaaliya Maxamed Cabdilaahi Farmaajo, kaasi oo ka dhacay Magaalada Addis Ababa.

War qoraal ah oo kasoo baxay Wasaaradda Arrimaha Dibadda dowladda Itoobiya ayaa lagu sheegay inay tahay arrin wanaagsan raali-gelintii Madaxweyne Farmaajo uu ka bixiyay dhibaatadii dowladda Kacaanka u geysatay shacabkii Somaliland..

Sidoo kale  Qoraalka Itoobiya ayaa waxaa lagu sheegay in aqbalaadii Madaxweyne Muuse Biixi Cabdi ee raali-gelintii Farmaajo ay tahay mid muujineysa isku soo dhawaansho labada dhinac ee Soomaaliya iyo Somaliland.

“Madaxweynaha Somaliland, Muuse Biixi Cabdi ayaa soo dhaweeyay raali-gelin guud oo uu Madaxweyne Maxamed Farmaajo ka bixiyay xasuuqyadii Siyaad Barre, Madaxweyne Biixi wuxuu ugu sacabo tumay tallaabadan inay tahay mid taariikhi ah” ayaa lagu yidhi qoraal ay soo saartay Wasaaradda Arrimaha Dibadda Itoobiya.

Si kastaba kulankii dhexmaray Maxamed Cabdullaahi Farmaajo iyo Muuse Biixi Cabdi ayaa waxaa kasoo shaqeeyay Ra’iisul Wasaare Abiy Axmed.

WP2Social Auto Publish Powered By : XYZScripts.com