Akhriso:-Taariikhda Guddoomiyihii Gobolka Banaadir

0
215

Allaha u naxariistee waxaa Maanta Isbitaal ku yaalla Magaalada Doha ee dalka Qatar ku geeriyooday Guddoomiyihii Gobolka Banaadir ahna Duqa Muqdisho Cabdiraxmaan Cumar Cismaam Yariisow oo dhaawac Culus kasoo gaaray Qaraxii ka dhacay Xarunta Gobolka Banaadir.

Eng.Yariisow ayaa waxaa xilka Guddoomiyaha Gobolka Banaadir loo magacaaba 21-ka Bishii Janaayo sanadkii 2018,isla markaana waxaa uu xiligaas bedelay Guddoomiyihii hore ee Gobalka Taabid Cabdi Maxamed.

Marxuun Yariisow ayaa waxaa uu ahaa aqoonyahaan muddo dheer ku noolaa Dalka UK, waxa uuna door fir fircoon ka soo qaatay Jaaliyadda Soomaalida ee ku nool Dalkaasi, sidoo kale waxa uu xilal ka soo qabtay Dowladda Hoose ee London.

Sidoo kale 10-kii Sano ee la soo dhaafay waxa uu ku dhax jiray Siyaasadda Soomaaliya,waxaana labada jeer uu soo noqday Wasiirka Warfaafinta Xukuumadda Soomaaliya,wuxuu kale soo noqday Afhayeenka Madaxtooyada iyo La tiliye Sare iyo Agaasimihii Radio Bar-kulan.

Allaha u naxariistee Guddoomiyihii Gobolka Banaadir Cabdiraxmaan Cumar Cismaan Yariisow ayaa 24-kii Bishaan ku dhaawacmay qarax ka dhaca Xarunta Gobolka,kaasi oo sababay Khasaaro isugu jira dhimasho iyo dhaawac.